999 Act – 't Scheldt

999 Act

Mo datMisschiens zien’m wydd’r nog gebeur’n
Misschiens gon’m’ nog beleven
– en styf lange ku’ ‘t nie-mè deur’n –
da’ België go’ begeven.

Dat is, ‘k weet’n ‘t, ê roar idée,
‘t en is geën zuver’n wyn.
Mo ‘t land e’ ku’ mo moeilik mee…
‘t moe’ ni êzwegen zyn.

‘t Is woa, me leven magnifiek
zyn m’ burger of zyn m’ boer.
Mor ondertussch’n goat ‘t agliek
mo flauw in nuzen Voer.

In Brussel is ‘t oek slecht êsteld.
En Komen kraakt van ‘t Woals geweld;
doa roepen die schavuten:
de Vlaming’n moe’n hier buten!

En wydd’r, tegen ‘n meur êzet,
doen ton beroep op nuze wet.
Om eigen recht te krygg’n.
Nie ol …de meeste zwygg’n!

M’hên ê minister, – is ‘t ê goên? –
Mo dien man durft niet’n an doen!
‘t Bluuft ossan bie beloven
omda-me zou’n geloven
dat ‘t, o’t ‘r were kiering komt,
go beter goan, verdomd!

Mo zit dien here êkeër an ‘n pot
ên houdt nuus vodd’r voö’n zot!
Mè zyn beloften is ‘t êdoan,
ê loat nuus in muuz hemde stoan.

E moet hy toch vor niemand zwichten.
Twee moaten hêd ‘n, tweë gewichten
en ‘k weet-nie-hoevele-angezichten!

En ondertussch’n winn’n de oal’n
mo …wyd’r moe’n d’r voörn betoal’n!

O-me mo froai en dink e’ bluven
– ol maakt ‘n TAK ton van zyn tak –
me meugen speel’n mê nuze duven
en vodd’r leven …up ‘t gemak!
Mo dat e’ku nie bluven deuren
of ‘t got êtwoar êtwot gebeuren!
Waarachtig me gon nog beleven
da’ België go begeven…!

Pater Joris Declercq
Haringe

*
Onze dank aan de heer W. K. die ons dit gedicht bezorgde



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

SUKKELAAR